చామంతి పువ్వులతో తయారు చేసే టీ

టీ గురించి కొత్తగా చెప్పేదేముంది అనుకోకండి. 
అస్సామ్ గోల్డ్స్ రిచ్ మాల్టీనెస్... 
చమోమిలే ఛాయ్ ఫ్లవరీ 
ఈజిప్టియన్ పెప్పర్‌మింట్ ఫ్లేవర్... 
ఇలా.. ఫ్లవర్లు.. ఫ్లేవర్లు.. ఇంకా టీ కప్పులో తుఫాను సృష్టిస్తూనే ఉన్నాయి. 
అలాంటి టీ ట్రెండ్స్ గురించే ఈ కథనం. 

ఛాయ్‌ది ఐదు వేల సంవత్సరాల చరిత్ర. క్రీస్తు పూర్వం 2737వ సంవత్సరంలో చైనాలో పుట్టింది. ఆ తర్వాత యూరప్, అమెరికాల మీదుగా అన్ని దేశాల్లో పాపులర్ డ్రింక్‌గా మారింది. తేనీరు ముఖ్యంగా నాలుగు రకాలు. వైట్, బ్లాక్, గ్రీన్.. ఇంకా ఊలాంగ్. బ్లాక్, గ్రీన్‌టీల నుంచి పుట్టిందే ఊలాంగ్. తేయాకుని ఎండబెట్టే విధానాన్ని బట్టే వైట్, బ్లాక్, గ్రీన్‌టీలు తయారవుతాయి. వైట్, గ్రీన్ టీలలో కెఫిన్ తక్కువగా ఉంటుంది. బ్లాక్‌టీలో ఎక్కువగా ఉంటుంది. 

ఐస్డ్ టీ 
అమెరికాలో తప్ప మిగిలిన అన్ని దేశాల్లో దాదాపు వేడి వేడి ఛాయ్‌ని తాగడానికే ఇష్టపడతారు. కానీ అమెరికాలో ఐస్డ్ టీ బాగా పాపులర్. అమెరికాలో చాలామంది చైనా గ్రీన్ టీని తాగుతారు. 1904లో రీచెర్డ్ బ్లెకెండెన్ అనే ఆయన ఐస్ టీని పరిచయం చేశాడు. ఇప్పుడు అమెరికాలో 5 శాతం మంది దీన్నే తాగుతున్నారు. ప్యాక్డ్ డ్రింక్‌గా కూడా లభిస్తుంది. దీంట్లో ఐదారు రకాల వెరైటీలు కూడా ఉన్నాయి.

బ్లూమింగ్ టీ
దీన్నే ఫ్లవరింగ్ టీ అని కూడా అంటారు. చైనాలో కొన్ని రకాల పుష్పాలతో తయారుచేసే ఈ టీ సంప్రదాయం ఇప్పుడు అన్ని ప్రపంచ దేశాల టీ స్థానం సంపాదించుకుంది. అయితే ఎండిన పుష్పాలను వేడి నీటిలో కలిపి తయారు చేసే ఈ టీ ఇప్పటికీ మిస్టరీనే. దీని పరిమళం, చిక్కదనం.. ఫ్లోరల్ ప్లేవర్.. దీని ఆదరణ కు కారణం. తేయాకు, జాస్మీన్, లిల్లీ, మందారం, క్రిషాంతిమమ్ పువ్వులను ఎక్కువగా వాడతారు. ఎండిన ఈ పువ్వులను వేడి నీటిలో వేయగానే విచ్చుకుంటాయి. గాజు టీపాట్‌లలో సర్వ్ చేసేప్పుడు ఈ టీ ప్రత్యేక ఆకర్షణీయంగా ఉంటుంది.

చామంతి చాయ్ (చమోమిలే)
ఎండిన చామంతి పువ్వులతో తయారు చేసే టీ ఇది. కమాయ్ మిలాన్ అనే గ్రీకు పదం నుంచి చమోమిలే పుట్టింది. ప్రపంచ వ్యాప్తంగా ఎక్కువమంది ఇష్టపడుతున్న హెర్బల్ టీలలో ఇది కూడా ఒకటి. జర్మన్ హెర్బాలజీలో దీన్ని అలేస్ జుట్రాత్ అంటారు. అంటే ఈ టీ సర్వరోగ నివారణి అన్నమాట. దగ్గు, పడిశం, నిద్రలేమి, కీళ్ల నొప్పులు, పక్షవా ం తగ్గించేందుకు ఇది ఉపయోగపడుతుందట. చామంతి పువ్వులు ప్రపంచవ్యాప్తంగా కాస్తాయి. కానీ అన్నింటికంటే ఈజిప్ట్‌లోని నైలు నది పరివాహక ప్రాంతంలో పూసే చామంతి పూలు ఫైనెస్ట్ అని చాలామంది భావిస్తారు. 

టీ కాక్‌టెయిల్స్
ట్రెండీయెస్ట్ నైట్ లైఫ్‌లో టీ కాక్‌టెయిల్స్ ఇప్పుడు పాపులర్ డ్రింక్. ఎంతో పాతదైన టీ ఇప్పుడు ఇన్నోవేటివ్ ఆదరణ పొందుతోంది. గ్రీన్ టీ డీలైట్, ద ఎల్ గ్రే మార్టినీ, మొరాకాన్ మోజిటో పేరుతో టీ కాక్‌టెయిల్స్ లభిస్తున్నాయి. 20 రకాల టీ వోడ్కాలు, ఆల్కాహాలిక్ టీలు విదేశాల్లో పాపులర్ డ్రింక్స్‌గా మారిపోతున్నాయి.

టీ రూమ్స్ 
‘టీ కొట్టుతో బతుకుతారు కొందరు.. టీ కొట్టి బతుకుతారు అందరూ..’ అని ఒక తెలుగు సినిమా పాట. కానీ ఇప్పుడు టీ కొట్టు పాతబడిపోయింది. టీకోసం ఎక్స్‌క్లూజివ్ షాప్‌లు, టీరూమ్‌లు, టీ సెంటర్‌లు వెలుస్తున్నాయి. అందమైన ఇంటీరియర్‌తో, ఆకట్టుకునే కెటిల్స్, మగ్గులు, టీపాట్స్‌తో సర్వ్ చేయడం ఇప్పటి ట్రెండ్. బెంగళూరు, ముంబై, కోల్‌కత్తా, హైదరాబాద్‌లాంటి నగరాల్లో కాఫీ బార్‌లకు సమాంతరంగా టీ బార్‌లు వెలుస్తున్నాయి. 

టీ షాప్స్
టీ సెంటర్, ముంబై
ముంబై డౌన్‌టౌన్‌లోని టీ సెంటర్ దశాబ్ధాలుగా ముంబై వాసులకు తేనీటి విందుని అందిస్తోంది. ఆల్ట్రామోవూడన్ ఇంటీరియర్ డిజైన్, బ్లాక్ అండ్ వైట్ వాల్ ఫోటోలతో బైగాన్ ఎరాని టచ్ చేస్తుంది. ఎప్పుడైనా వెళ్తే అక్కడి స్టాఫ్‌ని అడిగి మంచి ఇంగ్లీష్ టీ ఫ్లేవర్‌ని చేయండి.

డోల్లీస్ ద టీ షాప్, కోల్‌కత్తా
దక్షిణపాన్ షాపింగ్ సెంటర్ క్రౌడ్‌లో ఈ టీ షాప్ మీకు కనిపిస్తుంది. కోల్‌కత్తాలో దీ బెస్ట్ టీని చేయాలంటే డోల్లీస్‌లో అడుగుపెట్టాల్సిందే. ఈ షాప్ మెనూలో మీకు 50 రకాల టీలు కనిపిస్తాయి. ఫైనాఫిల్, మ్యాంగో, ఆరెంజ్ ఫ్లేవర్లతో ఐస్ టీ కూడా దొరుకుతుంది.

ఫిన్‌జాన్ టీ హౌస్,హైదరాబాద్
టోలీచౌకీ స్పెషల్ టీ ఇది. ఇక్కడ 30 రకాల టీలు లభిస్తాయి. కేవలం టీనే కాదు ఇక్కడ ఇంటీరియర్‌ని, టీపాట్స్‌ని, కెటిల్స్‌ని కూడా ఎంజాయ్ చేయొచ్చు. బంజారాహిల్స్‌లో కూడా దీని బ్రాంచీ ఉంది.

టీ టైమ్‌లైన్
120లో బ్రిటీష్ ఈస్ట్ ఇండియా కంపెనీ మనదేశానికి టీని పరిచయం చేసింది. 
140 నుంచి అస్సాం టీ కంపెనీ వ్యాపారాన్ని ప్రారంభించింది. 
1904లో జరిగిన వరల్డ్ ఫెయిర్‌లో ఐస్ టీ పుట్టింది.
190 నుంచి టీ పొడిని ప్యాకెట్ల రూపంలోకి మార్చారు.