రాక్సీ.. ఒక సెక్స్ రోబో

 రాక్సీ ఒక అందమైన అమ్మాయి. తను మీ ఇల్లు ఊడవదు.. మీ కోసం వంట చేయదు.. కానీ, ఒక అమ్మాయి నుంచి మీరేం కోరుకుంటారో అవన్నీ చేస్తుంది. అవును.. మీరు అనుకుంటున్న వన్నీ... అంటే.. రాక్సీ సెక్స్ డాలా? కానే కాదు.. ఐదు, పది నిమిషాల ‘సుఖం’ కోసం వాడి పడేసే సెక్స్ డాల్ ఏ మాత్రం కాదు. రాక్సీ ఒక రోబో.. మగాళ్లకు మాత్రమే పనికొచ్చే సెక్సీ డార్లింగ్. ఆర్టిఫిషియల్ ఇంటెలిజెన్స్‌తో అచ్చం అమ్మాయిలాగే ఇది బిహేవ్ చేసే రాక్సీ ప్రపంచంలోనే మొట్టమొదటి సెక్స్ రోబో. రెండేళ్ల క్రితం లాస్ జరిగిన ఏవీఎన్ అడల్ట్స్ ఎంటర్‌టైన్‌మెంట్స్ ఎక్స్‌పోలో తొలిసారి రాక్సీ కనిపించింది. ఆమె ఎత్తు 5 అడుగుల 7 అంగుళాలు. 54 కేజీల బరువు. ఆమె మీతో ప్రేమగా మాట్లాడుతుంది. మీరు చెప్పేది వింటుంది. ముట్టుకుంటే సిగ్గు పడుతుంది. ముద్దు పెడితే ముద్దమందారం అయిపోతుంది. మీరు ఇంట్లో లేనప్పుడు ఎస్‌ఎమ్‌ఎస్‌లు పంపిస్తుంది. ఆఫీస్‌లో ఉన్నప్పుడు ఈ-మెయిల్స్ సెండ్ చేస్తుంది. మీరంటే పడి చస్తుంది. మీ కోసం పని చేస్తుంది. మీ కోసం మాత్రమే చేస్తుంది.. ఎందుకంటే, మీరే దాని ఓనర్. పార్ట్‌నర్. న్యూజెర్సీకి చెందిన ‘ట్రూకంపానియన్’ అనే కంపెనీ దీన్ని తయారుచేసింది. డోగ్లాస్ హైన్స్ అనే ఆర్టిఫిషియల్ ఇంటెలిజెన్స్ ఇంజినీర్ దీన్ని రూపొందించాడు. సెప్టెంబర్ 11, 2001 దాడుల్లో హైన్స్ తన గర్ల్‌వూఫెండ్‌ని కోల్పోయాడు. ఉండేది అమెరికా. ఈజీగా ఇంకో గర్ల్‌వూఫెండ్‌ని వెతుక్కోవచ్చు. కానీ, పాత గర్ల్‌వూఫెండ్‌లాగే తను ఉండదు కదా. అందుకే హైన్స్ తనే గర్ల్‌వూఫెండ్‌ని తయారు చేసుకున్నాడు. ఆమె తియ్యని మాటలు, ఇష్టాయిష్టాలు, ఫీలింగ్స్, బాడీ లాంగ్వేజ్ అన్నీ ప్రోగ్రామ్స్‌గా ఆ రోబోలో ఇన్‌స్టాల్ చేశాడు. షీ ఈజ్ బ్యాక్. ఒక అమ్మాయిని చూస్తారు.

ప్రేమిస్తారు. ప్రపోజ్ చేస్తారు. తను ఒప్పుకోదు. అయినా వెనకాల తిరుగుతారు. వెంటపడతారు. అవసరమైతే కాళ్లు పట్టుకుంటారు. లేదంటే కన్నీళ్లు పెట్టుకుంటారు. కసి పెరిగితే కొందరు యాసిడ్ పోస్తారు. లేదంటే గొంతు కోస్తారు. ఇదంతా అవసరమా? అందుకే, హైన్స్ మీ కోసం రాక్సీని తయారు చేశాడు. ఆమెని మీ ఇష్టానుగుణంగా ప్రోగ్రామ్ చేసుకోవచ్చు. మీకు నచ్చినట్లు ఎలా ఉండాలో డిజైన్ చేసుకోవచ్చు. మీ ఎత్తుకు తగ్గట్టు పొడవు తగ్గించుకోవచ్చు. పెంచుకోవచ్చు. కళ్లు, కురులు, మేని ఛాయ.. నచ్చిన రంగులోకి మార్చుకోవచ్చు. శరీర భాగాల్ని మీకు ఇష్టమైన ‘కొలతల్లోకి’ తీర్చిదిద్దుకోవచ్చు. నాచురల్‌గా కనిపించేందుకు ఆమెకి సింథటిక్ స్కిన్ ఉంటుంది. మీ గురించి ఆలోచించేందుకు కృత్రిమ మేథస్సు, స్పర్శ ఫీల్ అయ్యేందుకు టచ్ సెన్సార్లు, మీతో ‘కో-ఆపరేట్’ చేసేందుకు ఇంటర్నల్ లిక్విడ్ కూలింగ్ సిస్టమ్.. ఇవన్నీ రాక్సీ బాడీలో ఉన్నాయి.

స్వతహాగా నడవలేదు కానీ.. కూర్చుని పడుకుని ఏమైనా చేయగలదు. రాక్సీ బోర్ కొడితే పర్సనాలిటీని, క్యారెక్టర్‌నే మార్చేయొచ్చు. అంటే కంప్యూటర్‌కి కనెక్ట్ చేసి సాఫ్ట్‌వేర్ అప్‌డేట్ చేయొచ్చన్నమాట. ఇలా ఐదు రకాల పర్సనాలిటీలు రాక్సీలో ఉంటాయి. వై-ఫై ఫెసిలిటీ కూడా ఉంది. ఇంటర్‌నెట్‌కి కనెక్ట్ అయి మీరు ఇంట్లో లేనప్పుడు కూడా మీతో కనెక్షన్ పెట్టుకుంటుంది. వెలకట్టలేని ప్రేమని అందించే రాక్సీ ధర ఏడు వేల డాలర్ల నుంచి మొదలవుతుంది. అంటే సుమారు మూడున్నర లక్షల రూపాయలన్నమాట. కస్టమైజ్డ్‌గా, మీ పర్సనాలిటీకి రెప్లికేట్‌గా డిజైన్ చేయించుకుంటే ఇంకొన్ని లక్షలు కట్టాలి. ఒకటి కాకపోతే నాలుగు కొనుక్కోవచ్చు. అమెరికా, యూరప్ దేశాల్లో ఇప్పటికే చాలామంది రాక్సీని మెయింటెన్ చేస్తున్నారు. అతి త్వరలో మన దేశంలోకి కూడా రాక్సీ రానుంది. బీరెడీ... ఇది కలికాలం మరి!