సినిమా చూడండి.. స్క్రిప్ట్ చడవండి.. !

సినిమా..
చూడడంలో థ్రిల్ ఉంటుంది.
స్రిప్ట్...
చదివితే మజా వస్తుంది.
చూసిన సినిమా స్క్రీన్‌ప్లే చదవడమంటే..
అమ్మ చేతితో ఆవకాయ ముద్ద తినడమే.
బాలీవుడ్‌లో ఇప్పుడు ఇదో ట్రెండ్.
అందుకే చూడండి.. చదవండి.

స్లోగా..
కెమెరా రోజ్ మొహం
మీదికి తీసుకెళ్తాం..
ట్రాన్సిషన్ (మార్పు)
106 - ఇంటీరియర్ - కెల్డిష్ / ఇమేజింగ్ షాక్
యంగ్ రోజ్ మొహాన్ని ఓల్డ్ రోజ్‌గా మార్ఫ్ చేస్తాం. 101 సంవత్సరాల బామ్మ. కళ్లు మాత్రమే మారవు. మిగిలిన మొహం అంతా మారుతుంది.
ముసలి రోజ్ : అది గుర్తు చేసుకుంటే నా హృదయం ఎప్పుడూ కకావికం అవుతూనే ఉంటుంది. నా జీవితంలో నేను ఇప్పటికీ ఎప్పటికీ మర్చిపోలేని సంఘటన అది.
కట్ టూ రివర్స్ - ఆమె చుట్టూ మిగిలిన వాళ్లు అర్థవృత్తాకారంలో నిలబడి ఉంటారు. ఆమె చెప్పేది వినడంలో నిమగ్నమవుతారు. ఫ్రోజెన్ సైలెన్స్.
జాక్, రోజ్‌ల కథ పూర్తిగా వారు తెలుసుకున్నారు.
బోడైన్ : ఆ తర్వాత ఏమైంది?
ఓల్డ్ రోజ్ : (నవ్వుతూ) యు మీన్.. మేం ‘అది’ చేశామనేనా?

కట్ టు :
107 - ఇంటీరియర్ - రోజ్ అండ్ కాల్స్ సూట్ - నైట్
(బ్యాక్ టు 1912) జాక్ డ్రాయింగ్ మీద సంతకం చేస్తున్నాడు. రోజ్ తన దుస్తులు తిరిగి వేసుకుంటుంది.
ఓల్డ్ రోజ్ (వాయిస్ ఓవర్) : మిమ్మల్ని డిస్‌అపాయింట్ చేసినందుకు సారీ బోడైన్. రోజ్ డ్రాయింగ్‌ని పరిశీలనగా చూసింది. దాని మీద తేదీ వెయ్ జాక్. ఈ రాత్రిని నేను జీవితంలో మర్చిపోకూడదు అనుకుంటున్నాను.
ఏప్రిల్ 14, 1912 జాక్ తేదీ వేశాడు.
(జేమ్స్ కామెరూన్ ‘టైటానిక్’ సినిమాలోనిది ఈ బ్యూటీఫుల్, రొమాంటిక్ సీన్)

ఎక్స్‌టీరియర్ - రెయిన్ ఫారెస్ట్ - నైట్ ఎఫెక్ట్
కెమెరా జేక్ పాదాల వెంట రన్ అవుతుంది. జేక్ నెయితిరితో పాటు నడుస్తుంటాడు. ఆ దారిలో జేక్ ప్రతి ఆకునీ, పుష్పాన్నీ ముట్టుకుంటున్నాడు. అవి జీవ ప్రకాశంతో కదలడం అతనికి ఆశ్చర్యం కలిగిస్తుంది. జేక్ కిందికి చూశాడు. వారొక పర్పుల్ కలర్‌లో ఉన్న పొద మీది నుంచి వెళ్తుంటారు. వారి పాద స్పర్శకు ఆ పొద ఆకులు స్పందిస్తుంటాయి. వారి పాదం తాకిన ప్రతిచోటా ఆకుపచ్చని వలయ కాంతి ఏర్పడుతుంది. ఆ కాంతి రేఖలు నీటిలో రాయి పడ్డప్పుడు అలల్లా కదులుతుంటాయి. కలలోనూ నిజంకాని అద్భుత దృశ్య సౌందర్యమది.
వైడ్ షాట్ తీసుకుంటే.. వారొక పెద్ద కొమ్మ మీది నుంచి నడుస్తుంటారు. పక్కన పెద్ద జలపాతం. అద్దంలాంటి నీటిలో వారి ప్రతిబింబాలు కనిపిస్తుంటాయి. జేక్ ఒక పెద్ద కొమ్మమీద నడుస్తున్న నెయితిరిని అనుసరిస్తుంటాడు.

కొందరు నావీ రైడర్స్ డైర్‌హ్సాస్ (వింత గుర్రాలు) మీద అటుగా వస్తారు. ఆ గుర్రాలకు ఆరు కాళ్లుంటాయి. లోహం లాంటి చర్మం, ఆంటినా లాంటి కొమ్ములుంటాయి వాటికి. ఆ ‘నావీకుల’ తోకలు గుర్రాలకు కలిపి ఉంటాయి. గుర్రాలను అదుపు చేసేందుకు అదో నరాల లింక్ అన్నమాట. ఆ ‘నావీకుల’ చేతిలో ఆయుధాలున్నాయి. వారు ఈటలు, బాణాలు జేక్‌కేసి గురిపెట్టారు. కానీ..
నెయితిరీ జేక్‌కు అడ్డంగా నిలబడుతుంది. ఆ దళం నాయకుడి వైపు కోపంగా చూస్తూ.. నావీ బాషలో గట్టిగా అరుస్తుంది.
నెయితిరి : (సబ్ టైటిల్) సుటే! ఏం చేస్తున్నావు? ఇతను నా నిర్బంధంలో ఉన్నాడు.
(సుటే ఆజానుబావుడు. బలవంతుడు. విగ్రహంలాంటి రూపం అతనిది. )
సుటే : (సబ్ టైటిల్) ఈ దుండగులు ఇక్కడ నిషిద్దులు. వీడ్ని చంపి నేను వాళ్లకి గుణపాఠం నేర్పుతాను.
నెయితిరి : (సబ్ టైటిల్) ఆగు. అది మీ పని కాదు. మన నాయకుడి దగ్గరికి నేనే తీసుకొస్తాను.
సుటే : (సబ్ టైటిల్) తీసుకురా.
ఎక్స్‌టీరియర్ - హోమ్‌ట్రీ - నైట్ ఎఫెక్ట్
జేక్‌ని నెయితిరి ఉండే గ్రామంవైపు లాక్కెళ్తుంటారు. ఆ గ్రామం పే.. ద్ద చెట్టు మీద ఉంటుంది. ఆ ‘హోమ్‌ట్రీ’ 250 మీటర్లు ఎత్తు ఉంటుంది. దాని మొదలు ‘సెకోయియా’ కంటే నాలుగుట్ల డయామీటర్లు ఎక్కువగా ఉంటుంది.

ఇంటీరియర్ - కామన్ ప్లేస్ / హోమ్‌ట్రీ - నైట్ ఎఫెక్ట్
ఓపెన్ సెంట్రల్ ఏరియా.. ఆ గ్రామస్తులంతా జేక్ చుట్టూ చేరతారు. ఆ గిరిజనుల్లో మనం ఆడవాళ్లని, పిల్లల్ని ఎత్తుకున్న తల్లుల్ని.. ముసలివాళ్లని.. యువకుల్ని.. చూడొచ్చు.
(ఇవి ‘అవతార్’ సినిమాలోని సన్నివేశాలు)

ఇవి చదువుతుంటే మీకు కళ్లకు కట్టినట్లు దృశ్యాలు కనిపించే ఉంటాయి. దటీజ్ స్క్రీన్‌ప్లే. పై రెండూ జేమ్స్ కామెరూన్ రాసుకున్న ఒరిజినల్ స్క్రిప్టులు. ఇంటర్‌నెట్‌లో వెతికితే ఇలాంటి హాలీవుడ్ బ్లాక్‌బస్టర్ సినిమాల ఒరిజినల్ స్క్రీన్‌ప్లేలు చాలా దొరుకుతాయి. అదీ ఉచితంగా.

బాలీవుడ్ బాత్
మీ ఫేవట్ మూవీకి సంబంధించిన పూర్తి విషయాలు, వివరాలు తెలుసుకోవాలని మీకు ఎప్పుడైనా అనిపించిందా? హాలీవుడ్ మూవీస్ అయితే ఆన్‌లైన్‌లో దొరుకుతాయి. మేకింగ్ ఆఫ్ ద మూవీ.. వీడియోలు కూడా యూట్యూబ్‌లో కుప్పలు కుప్పలుగా ఉంటాయి. బట్ వాట్ ఎబౌట్ బాలీవుడ్? అంటే.. ఈ ట్రెండ్ బాలీవుడ్‌లో ఈ మధ్యే మొదలైంది. బాలీవుడ్ బ్లాక్‌బస్టర్ మూవీస్‌ని ఇప్పుడు పుస్తక రూపంలోకి తీసుకొస్తున్నారు. వాటిల్లో పాపులర్ డైలాగులు, ఒరిజినల్ స్క్రీన్‌ప్లే, ఇంకా.. చాలా విషయాలు పొందుపరుస్తున్నారు.

గుర్తున్నాయా?
పియా గుర్తుందా? కరీనా కపూర్! వాక్యూమ్ క్లీనర్. ఇంజనీర్డ్ డెలివరీ. ఎవరు మర్చిపోతారు... 3 ఇడియట్స్ సినిమాని. ఇప్పుడు ఆ సినిమా ఒరిజినల్ స్క్రీన్‌ప్లే పుస్తక రూపంలో వచ్చింది. రాజు హిరానీ, అభిజిత్ జోషీ, ప్రొడ్యూసర్ విధూ వినోద్ చోప్రా, హీరో అమీర్‌ఖాన్ చేసిన ఈ ప్రయత్నం పెద్ద హిట్ అయ్యింది. ఇట్స్ మ్యాడ్‌నెస్. నీడ్‌పూస్ టూ సే.. ఆ పుస్తకాన్ని ముద్రించిన ఓమ్ బుక్స్ చీప్ ఎడిటర్ దీపా చౌదరీ ఏం చెప్పిందో తెలుసా?- ‘‘ఆ పుస్తకం మొదటి ముద్రణలన్నీ హాట్ హాట్‌గా అమ్ముడుపోయాయి. రీప్రింట్ కూడా చేశాం. ఆ తర్వాత కూడా ఆరు వేల కాపీలు అమ్ముడుపోయాయి’’ అదీ మ్యాటర్. బాలీవుడ్‌లో హిట్ అయిన సినిమాల్ని పుస్తక రూపంలో తేవడం ఇప్పుడొక హాట్ ట్రెండ్.

డాక్యుమెం
‘3 ఇడియట్స్ - ద ఒరిజినల్ స్క్రీన్‌ప్లే’ ఒక ట్రెండ్‌ని క్రియేట్ చేసింది. ఆ పుస్తకం విడుదల సందర్భంగా ప్రొడ్యూసర్, డైరెక్టర్ వినోద్ చోప్రా ‘‘స్క్రీన్‌ప్లేలు కేవలం సినిమాని అర్థం చేసుకోవడానికి చదివేవి మాత్రమే కాదు. స్క్రీన్‌ప్లేలు చదవడమంటే ఒక ఎంజాయ్‌మెంట్’’ అన్నారు. ఇది అక్షరాలా నిజం. ఇండియన్ సినిమా చరివూతలో స్క్రీన్‌ప్లేలు, డైలాగ్ బుక్స్ ముద్రించడం ఒక గొప్ప పరిణామం. ఎందుకంటే వాటిలో కేవలం కథ. కథనాలే కాకుండా.. నటీనటుల ఇంటర్వ్యూలు, అనుభవాలు.. సినిమా మేకింగ్ కామెంటరీ.. ఎదురైన సమస్యలు.. అధిగమించిన విధానం.. వీటన్నింటినీ పొందుపరుస్తున్నారు. ఈ డాక్యుమెం అంతా చదవడం.. నిజంగా ఎంజామ్‌మెంటే.

బీరెడ్డి నగేష్‌రెడ్డి