కథ
ఒకతని పుట్టిన రోజు. ఇంట్లో వారెవరూ శుభాకాంక్షలు చెప్పలేదు. బాధతో ఆఫీసుకు వెళ్లాడు. కొలీగ్స్ కూడా చెప్పలేదు. సెక్రెటరీ మాత్రం హ్యాపీ బర్త్ డే అంటూ విష్ చేసింది. హ్యాపీగా ఫీల్ అయ్యాడు. ఆమె లంచ్ కి బయటికి తీసుకెళ్లింది. తర్వాత తన ఇంటికి వెళ్దామంది. అతను సంతోషంగా వెళ్లాడు. రెండు నిమిషాల్లో వస్తానంది.
అతనికి షాక్ ఇద్దామని అతని పేరెంట్స్ ని, భార్యాపిల్లలను, కొలీగ్స్ ని కేక్ తో సహా తీసుకొచ్చింది.
కానీ వారంతా షాక్ తిన్నారు.
అతను సోఫాలో నగ్నంగా కూర్చున్నాడు.
స్క్రీన్ ప్లే 1
ఈ రోజు నా పుట్టిన రోజు.. నా తల్లిదండ్రులు, భార్యా పిల్లలు నాకు విషెష్ చెప్పలేదు. బాధేసింది. ఆఫీస్ కి వెళ్తే కొలీగ్స్ కూడా చెప్పలేదు. చిరాకేసింది. నా క్యాబిన్లోకి వెళ్లాను. నా సెక్రెటరీ అందంగా ఉంటుంది. హ్యాపీ బర్త్ డే చెప్పింది. సంతోషించాను. లంచ్ కి వెళ్దాం అంది.
లంచ్ అయిపోయాక తన ఫ్లాట్ కి వెళ్దామని తీసుకెళ్లింది. బెడ్ రూమ్ లోకి వెళ్లి రెండు నిమిషాల్లో వస్తానంది. కోరుకున్నదేదో కాలికి తగులుతోంది అనుకున్నాను.
ఐదు నిమిషాల తర్వాత…
కేక్ తో వచ్చింది. మా పేరెంట్స్, భార్యా పిల్లలు, కొలీగ్స్ అందరూ ఉన్నారు. షాక్ తిన్నారు.
నేను సోఫాలో…??
స్క్రీన్ ప్లే 2
ఈ రోజు మా ఆయన పుట్టిన రోజు. అత్త మామలు, పిల్లలు ఎవరం శుభాకాంక్షలు చెప్పలేదు. ఆయన బాధతో ఆఫీసుకు వెళ్లారు.
మేమంతా రెడీ అయి ఆయన సెక్రెటరీ ఇంటికి వెళ్లాం. తనేదో సర్ ప్రైజ్ ప్లాన్ చేసింది. లంచ్ అయిపోయాక కేక్ కటింగ్.. అప్పటి వరకు బెడ్ రూమ్ లో రెస్ట్ తీసుకొమ్మంది. తను వచ్చింది. ఆయన హాల్ లో వెయిట్ చేస్తున్నారని చెప్పింది. మేం కేక్ తీసుకుని బయటికి వచ్చాం.
కానీ ఆయన…!!
స్క్రీన్ ప్లే ౩
ఈ రోజు మా బాస్ పుట్టిన రోజు.. ఎప్పటిలా కాకుండా సర్ ప్రైజ్ ప్లాన్ చేశాను. మేడమ్ తో మాట్లాడి విషెష్ చెప్పొద్దన్నాను. బాస్ ఆఫీసుకు రాగానే అర్థమయింది. ఇంట్లో వాళ్లు చెప్పలేదని. థ్రిల్ ఫీలవుతారనుకున్నాను. లంచ్ కి తీసుకెళ్లాను. మేడమ్ వాళ్లు ఇంటికి వచ్చారో లేదో కనుక్కున్నాను. వాచ్ మెన్ కి చెప్పి బెడ్ రూమ్ లో కూర్చోబెట్టాను.
లంచ్ అయ్యాక బాస్ ని ఇంటికి తీసుకెళ్లాను. కేక్ తీసుకుని మేడమ్ వాళ్లని తీసుకొద్దామని బెడ్ రూమ్ లోకి వెళ్లాను.
ఐదు నిమిషాల తర్వాత మేం వచ్చేసరికి…
బాస్… !!
(కథ ఒక్కటే.. ఎవ్వడి వర్షన్ వాడికి ఉంటుంది. నువ్వోలా చెబుతావ్. నేనోలా చెబుతా. కాపీ, ప్లజరిజమ్ అనేవి సోది మాటలు)
Comments